– Eg var tilfeldigvis blant dei første som kom til staden og fekk dirigert trafikken til politiet kom til staden, seier seksjonssjef for drift- og vedlikehald i Statens vegvesen Tor Alf Høye til NRK.
Politiet vart varsla om hendinga like før klokka 16 fredag ettermiddag. Steinen låg så vidt innanfor kvitestripa.
– Steinen låg i ei skråning og har nærast sige ut i vegen. Den har ikkje sete så høgt, så den har ikkje hatt stor fart når den fall ned, seier han.
Seksjonssjefen seier at vegvesenet stadig følgjer med på lausmassar langs vegane.
– Der vi ser at det er laust går vi over med det same. Som regel er det småstein som hamnar i grøfta. Det er sjeldan steinane er så store som denne gangen, seier Høye.