NRK Meny
Normal

Start tapte poeng i opprykkskampen

Start hadde ein kjempesjanse til å sikre seg ei luke til konkurrentane i opprykkskampen. Men botnlaget Fredrikstad vart for sterke i Østfold.

1. divisjon fotball 2017: Fredrikstad - Start.

Sanel Kapidzic og Fredrikstad jublar for 1-1-scoringa mot Start.

Foto: Audun Braastad / NTB scanpix

Laster innhold, vennligst vent..

Tabellnaboane Sandnes Ulf og Ranheim ser begge ut til å tape sine kampar.

Sandnes Ulf tapte borte mot Jerv, medan Ranheim ligg under 0-1 til pause heime mot Elverum.

Dermed kunne Start sikre ei luke på sju poeng ned til kvalifiseringsplass med siger i Fredrikstad.

Keeper på bærtur

Men Fredrikstad, som kjempar for å overleve i 1. divisjon, tok alle poenga på Fredrikstad stadion.

Start tok leiinga ved kaptein Simon Larsen 37 minutt ut i kampen, etter at Fredrikstad-keeper Håvar Jenssen var fullstendig på bærtur.

På overtid av første omgang slo heimelaget tilbake, då Sanel Kapidzic utlikna.

Seks minutt ut i andre omgang fall avgjerda. Rocky Lekaj sende Fredrikstad opp i 2-1, som også vart sluttresultatet.

På opprykksplass

– Det betyr utruleg mykje. I dag spelar vi ein utruleg bra kamp og vinn fullt fortent, seier Fredrikstad-spelar Rocky Lekaj til Eurosport.

Start hadde fleire gode sjansar i andre omgang, men klarte aldri å få ballen i mål.

Sørlendingane ligg framleis på opprykksplass i 1. divisjon. Men avstanden ned til Sandnes Ulf og Ranheim er altså framleis på fire poeng.

Laster innhold, vennligst vent..