Gultrøyene fekk ein kanonstart på kampen då Espen Hoff sende laget i leiinga allereie fire minutt ut i kampen.
Kvarteret seinare dobla nyinnkjøpte Alejandro Casto leiinga til 2-0. Dette var også pauseresultatet.
Nøgd kaptein
I andre omgang reduserte FC Nordsjælland ved Emiliano Hansen. Sluttresultatet vart dermed 2-1 til sørlandsklubben.
– Vi møter ein godt motstandar. Sjølv om dei sikkert ikkje stilte med sitt beste lag, så var det eit bra mannskap utpå der, seier kaptein Glenn Andersen til klubben sin nettstad.
– Eg trur dei hadde gjort det godt i eliteserien, for å seie det slik, seier han.
Også trenar Mons Ivar Mjelde var nøgd med gjennomføringa av kampen.
– Vi møter eit ungt og svoltent Nordsjælland-lag som likar å flytte ball. Vi fekk trent på defensiv organisering og tok nok betre vare på ballen i første omgang, seier han til ikstart.no.
Mjelde: – Stor framgang
– Det var nokon som fekk seg små smellar i første omgang som gjorde at vi måtte gjere nokre byter, men det var viktig å vinne denne kampen, og det var stor framgang frå førre kamp mot Kalmar, seier Mjelde.
Mostandaren var ikkje kven som helst. Laget deltok i Meisterligaen i fjor haust der dei spelte mot Juventus, Sjakthar Donetsk og Chelsa.
Danskane rauk ut i gruppespelet, og fekk kun med seg eitt poeng. Det var på heimebane mot gruppevinnar Juventus.