– Hi, ny name is Alejandro Castro, from Start calling.
Slik introduserer Start-angriparen seg når han ringer sponsorar for å selje billettar til oppgjeret mot Lillestrøm torsdag.
2000 mot Stabæk
I åttendelsfinalen mot Stabæk var det berre 2000 tilskodarar på Sør Arena. Tysdag fekk spelarane ei telefonliste og ringde rundt for å selje flest mogleg billettar.
– Vi er ikkje naturlege seljarar i utgangspunktet. Men såpass må vi kunne by på oss sjølve, seier Espen Hoff til NRK.
– Dei fleste svarar ikkje, så det har ikkje blitt mykje sal til no. Men det er berre å halde fram, seier Henrik Dahlum.
I sofaen rett ved går rett nok billettsalet litt betre.
– Ti billettar. Det må vere godkjent, smiler Start-kaptein Glenn Andersen.
Vil fylle tribunane
Mediesjef i Start, Roy Emanuelsen, håpar på fleire enn 2000 tilskodarar i kvartfinalen mot Lillestrøm torsdag.
– Vi vil ha flest mogleg på kamp, så vi håpar at dette hjelp. Det er eit bra initiativ og vi gjer det vi kan for å fylle opp stadion. Vi ser at nokon av spelarane er drivne på dette og i angrepsposisjon, så vi får sjå kor vi endar til slutt, seier han.
– Det skal noko til å fylle opp stadion.
– Då må dei halde på, men dei må førebu seg til kampen også, smiler han.
