– 12-15 påhengsmotorar er borte, seier operasjonsleiar ved Agder politidistrikt, Hans Petter Osaland til NRK.no.
Politiet har sikra seg fleire spor etter tjuvane, men har ingen mistenkte så langt. Dagleg leiar ved HK Motorservice, Jarle Knutsen, seier det er snakk om store verdiar som er borte.
Tre hol
– Det er litt vanskeleg å seie, men det kan vere motorar opptil 1 millionar kroner som er borte, seier han.
To av dei tre hola var allereie tetta då NRK.no var på staden.
– Det er snakk om særs tunge motorar, så det har vore ein stor jobb for dei som har gjort dette, seier Knutsen.
– Dei må ha hatt ein lastebil, legg han til.
Overvakingskamera
No ber politiet om tips får publikum for å oppklare innbrotet.
– Dersom det er nokon som har sett noko uvanleg ber vi om at dei tek kontakt. Det kan sjå ut som om det er proffe folk som står bak, seier Osaland.
HK Motorservice har ikkje overvakingskamera i hallane sine.
– Det er ekstra surt med tanke på at vi ventar på å få kamera montert, seier Knutsen.