– Vi vil ha folk som har gått musikk- eller dramalinje som er vande med å by litt på seg sjølve, seier marketingdirektør i reiseselskapet Espen Hennig-Olsen til NRK.no.
– Det stod f, u, c, k
Espen Hennig-Olsen vil ikkje tillate synlege tatoveringar eller piercing blant flyvertane i det nye reiseselskapet Fly Nonstop.
Foto: Geir Ingar Egeland / NRKBakgrunnen for dette er ei flyreise Hennig-Olsen sjølv var ute på for ei tid tilbake. Direktøren fekk seg nemleg ei overrasking då han vart servert kaffi av ein flyvert.
– Eg studerte knoken hans medan han serverte meg. Der stod det f, u, c, k. Slik vil vi ikkje ha det, seier han.
I tillegg til folk med musikk- og dramabakgrunn er han altså klar på kva folk reiseselskapet ikkje ynskjer når dei jaktar folk. Synlege tatoveringar eller piercing vil ikkje vere lov blant deira tilsette.
I tillegg lokkar Fly Nonstop med «løn utbetalt i himmelen» i jobbannonsane sine.
– Vi flyr ganske høgt, 41 000 fot. Nærare himmelen kjem du knapt. Du kan ta med lønningsposen opp der, så vi har litt glimt i auget på akkurat den der, seier han.
Nyetablert
Reiseselskapet vart etablert i oktober i fjor og skal ha åtte direkteavgangar frå Kristiansand lufthavn Kjevik til ulike storbyar i Europa.
Blant destinasjonane er London, Nice, Barcelona og Paris.
Fly Nonstop startar sine flygingar 25. april i år.
