– Vi har moglegheit til å til dømes nå utanlandske sjåførar som har navigasjonssystem i bilen. Det er det mange som har etter kvart, seier seniorrådgjevar i Statens vegvesen, Kjersti Leiren Boag til NRK.
Det nye systemet kan varsle førarar om køyreforhold, kø eller andre trafikale problem.
På denne måten håpar vegvesenet at færre utanlandske vogntog skapar kaos i trafikken.
– Vi håpar at vi kan nå ut til fleire enn vi gjer i dag, når vi stort sett sender ut vegmeldingar på norsk, seier ho.
Vegvesenet har brukt kring tre år på å utvikle det nye systemet. Vegmeldingar vil automatisk bli oversett til språket GPS'en er oversett til.
Systemet skal vere i drift frå nyttår.
– Det blir ein spennande dag. Vi ser fram til den datoen, seier Leiren Boag.
