– Det er to innfallsvinklar folk gjerne har. Å lese 24 timar i døgner er ingen vits. Det løner seg å seie at «eg greier 8-9 timar, så må eg fylle tida med slik at eg slappar sikkeleg av», seier universitetslektor i pedagogikk ved Univeristetet i Agder, Hæge Johannessen til NRK.
«Eg kjem til å stryke»
Ho held kurs i eksamensmeistring i desse dagar. For mange kan eksamenstida vere eit skikkeleg mareritt.
– Tenk gjennom korleis du slappar av best mogleg. Nokre gjer det gjennom å høyre på musikk, andre gjennom trening. Det er ingen vits å sitje heile døgnet med nasa i bøkene. Det er berre slitsamt, seier ho.
Ho fortel om mange fortvila studentar, som oppsøkjer i og under eksamenstida.
LES OGSÅ: Slik unngår du eksamensnerver
– Veldig mange har førestillingar som seier at «eg kjem til å stryke». Det snakkar dei om. Av ein eller annan idiotisk grunn er dei så stygge med seg sjølve, seier Johannessen.
Enkle grep
– Så har dei gjerne vener som snakkar om at dette kjem til å gå dårleg. «Eg greier ingenting, eg har ikkje lese nok», er det mange som seier. Dei elskar å sjå på kor mange som strauk i fjor, seier ho.
Ved hjelp av enkle grep kan du sjølv snu eksamenstida til noko positivt. På kursa lærer studentane korleis ein skal kunne handtere eksamenstida best mogleg.
LES OGSÅ: Fanget av eksamensnerver
– Det å kunne snu si eiga innstilling. Til dømes det å tenke at «dette kjem eg til å klare, kvifor skulle eg ikkje klare dette? Eg klarar dette», seier ho.
Pusten avgjerande
– I tillegg er pusten viktig. Det er nordmenn ganske dårlege på. Når ein er stressa pustar ein iallefall gale. Når ein ikkje pustar skikkeleg tenkjer ein dårleg, seier ho.
– Konkret tips når du sit der på eksamensdagen?
LES OGSÅ: Vaksine mot eksamensstress
– Set deg ned på stolen, lukk att auga, føl pusten inn og ut, berre konsentrer deg om pusten. Det er magisk. Den vesle tingen der i fem minutt gjer at du får mykje energi, og slappar verkeleg av, seier universitetslektoren.