Det er krimteknikarar frå politiet som skal prøve å finne årsaka til at ein Tesla tok fyr på hurtigladestasjonen på Brokelandsheia.
Bilen brann heilt opp fredag i førre veke.
Etterforskingsleiar ved politistasjonen i Arendal, Jens Martin Reiersølmoen, trur det vert vanskeleg å finne brannårsaka.
– Utfordrande
– Det blir ein utfordrande jobb. Det er stor skade på bilen og ein god del ting som må undersøkjast, seier Reisersølmoen.
Det er første gang det har blitt ein brann av dette omfanget i ein slik ladestasjon i Norge.
Det var ingen personar inne i Teslaen då den tok fyr fredag. Bilen som brann var ein Tesla Model S frå 2014.
Måtte droppe vatn
Det er ikkje mogleg å sløkke brann i elbilar med vatn. Brannvesenet måtte difor bruke eit spesielt skum for å få kontroll på flammane.
Hurtigladestasjonen hadde berre vore operativ i kort tid då det byrja å brenne.
– Krimteknikar vil undersøke bil og ladestasjon og gjere undersøkingane som er naudsynte. Så får vi sjå om vi kan komme fram til eit resultat etter kvart, seier Reisersølmoen.