Skadd tigerunge i ferd med å friskne til

Søndag fødde amurtigeren Boonya to tigerungar i Dyreparken, ein hann- og ein ho-tiger.

Hanntigeren hadde ein skade i foten like etter fødselen, men ser no ut til å ha det bra.

– Vi held fram med å følgje tigerungen tett og gir sårbehandling. Såret ser stabilt ut, og ungen ser ut til å ha det fint, han drikk mjølk og er aktiv. Så dette trur vi kjem til å gå fint, fortel veterinær Rolf-Arne Ølberg.

Erfaren tiger-mor

Veterinærane i Dyreparken har følgt tigerungen tett sidan fødselen og opplyser at han utviklar seg som normalt.

Tigermammaen Boonya har fødd fleire gonger før og er ei erfaren mor.

Veterinærane fortel at ungane har det fint saman med mora og dei andre søskena i parken.

For augneblinken er tigerungane inne slik at de får ro samen med mora, men det vil vere mogleg å sjå dei i Dyreparken utover sommaren.

Amurtigrene i Dyreparken er del av eit europeisk bevaringsprogram som avgjer kva tigrar som skal få ungar basert på kven som passar best saman genetisk.

Målet er å ha ein sunn bestand av tigrar i dyreparkane i verda. (NTB)