– Det er nokon gonger det kjem ut på ein slik måte at ein fryktar endå meir enn det som er naudsynt. Her er det ikkje snakk om å leggje ned noko. Her er det jo å vidareføre den vakta som allereie er i dag, seier Dunsæd til NRK.
Fleire er bekymra
Både Arendal kommune, Sørlandet sykehus Arenal i våre hjerter og stortingspolitikar har engasjert seg i saka.
Bakgrunnen for reaksjonane er at sjukehusdirektør Jan Roger Olsen har føreslege å overføre fleire akutt-tilfellepå kvelds- og nattestid frå Arendal til Kristiansand.
Dette har resultert i at Arendal kommune har sendt eit bekymringsbrev til sjukehusstyret.
Måndag kom det fram at også stortingsrepresentant Svein Harberg (H) har sendt eit brev der han uttrykkjer bekymring for framtida til barneavdelinga.
Ber om ro
Stiftelsen Sørlandet sykehus Arendal i våre hjerter har allereie varsla eit nytt fakkeltog for sjukehuset, dersom sjukehusdirektøren sitt forslag går gjennom.
– Eg ser ikkje vekk ifrå at det er såpass mykje krut att i Arendal at vi stiller på eit nytt fakkeltog, sa leiar i stiftelsen Sigurd Ledaal til NRK i førre veke.
Styreleiaren ved Sørlandet sykehus meiner at saka har blitt blese opp. No ber ho om ro kring saka.
– Eg håpar at alle bidreg til at fagfolka kan få den naudsynte roa, slik at vi kan komme fram til ei løysing som kan fungere, seier ho.
