Totalt rundt 20 ulike stands med 80 personar i kvite frakkar var å sjå i Arendal sentrum i kveld. Her var sjukepleiarar og legar på plass for å demonstrere og vise sjukehuset sine ulike tilbod til befolkninga. Ein av dei som fekk «behandling» var direktør ved Sørlandet sykehus, Jan Roger Olsen.
– Fysisk er visst alt i orden, smilte Olsen spøkefullt då han vart undersøkt med ultralyd.
Samlar inn pengar
Arrangementet er eit ledd i mammografiaksjonen, som har som mål å samle inn 7,5 millionar kroner til nytt digitalt mammografiutstyr til kvart av dei tre sjukehusa i Arendal, Kristiansand og Flekkefjord.
– Dette er eit heilt fantastisk flott arrangement. Eg er kjempenøgd. I tillegg må eg igjen få skryte av Arendal kommune som i dag
, seier aksjonsleiar Alf-Eivind Ljøstad til NRK Sørlandet.Frykta svineinfluensa
Arrangementet er eit samarbeid med SSA i Våre Hjerter og sjukehuset i Arendal. I utgangangspunket skulle arrangementet funne stad utanfor sjukehuset, men på grunn av svineinfluensa vart det flytta ned til kulturhuset i byen.
Sjukehusdirektør Jan Roger Olsen gjekk gjennom nesten full helsesjekk på dei ulike standane.
– Alt såg ut til å vere bra, seier Olsen, som dermed skulle vere godt rusta til framtidige utfordringar ved Sørlandet sykehus.