Det var klokka 00.43 natt til søndag Agder politidistrikt melde om at ein personbil ikkje stoppa for kontroll på riksveg 43 ved Espeland i Farsund i Vest-Agder.
Bilen køyrde i retning Lyngdal då den køyrde av vegen.
– Føraren av bilen er kjent for oss frå tidlegare og har ikkje førarkort, opplyser operasjonsleiar i Agder politidistrikt, Ingrid Mæhre, til NRK.
Alle fire i bilen vart send til sjukehus etter ulykka.
Politiet beteiknar føraren av bilen og ein passasjer som uskadd, og sjukehuset i Flekkefjord melder at ein mann og ei kvinne er lettare skadd etter at bilen hamna i grøfta natt til søndag.
Førar anmeldast for køyring i rusa tilstand utan gyldig førarkort og for å ha unndratt seg politikontroll, ifølgje Agder politidistrikt. Politiet har tatt utvida blodprøve av føraren.
Det er store materielle skader på bilen, og vegen blei ei periode stengt i forbindelse med dei kriminaltekniske undersøkingane på staden. Den skal no vere opna igjen.
