NRK Meny
Normal

Siktar mot EM-gull i kickboksing

Madelen Søfteland frå Grimstad held på med dei siste førebuingane før EM i kickboksing i Slovenia til helga.

Hennes fremste styrke er spark mot hodet. I neste uke starter EM i kickboksing, og en 25-åring fra Grimstad har som mål å komme hjem med gullet.

Sjå reportasje med Madelen Søfteland.

– Eg har ein veldig klar strategi om kva eg skal ta poeng på. Eg har studert motstandarane. No er det berre å halde seg til planen og ikkje falle ut om det skulle skje noko i kampen, seier 25-åringen til NRK.

Kickboksaren har tidlegare teke både VM-sølv og bronse i EM tidlegare. Ho er Norges beste kickboksar i klassa lett kontakt.

No drøymer ho om fleire medaljar.

– Eg kjempar mot den beste utøvaren frå kvar nasjon. Austerrike og Russland er nok dei aller tøffaste motstandarane, seier ho.

Den siste månaden har ho hatt to harde treningsøkter kvar dag.

Livet som profesjonell kickboksar handlar i periodar kun om trening, eting og kvile.

– Det er ein stor draum og det kjekkaste eg veit. Eg er veldig glad eg får halde på med dette, og det minner eg meg sjølv på kvar dag, seier Søfteland.