– Det er klisterføre i dag. Det er mogleg det vert litt trått, men det spørs jo litt kor gode og kor dårlege løparane er, seier renneleiar Odd-Bjørn Elve til NRK.no.
Den første starten gjekk klokka åtte. Då skulle menn på 70 år og kvinner på 60 år, i tillegg til løparar som har gått rennet 30 gonger leggje ut på reisa. Halv ni la resten ut etter seading.
– Det er tåke og plussgrader. Det er heilt vindstille, seier Elve.
– Vi skal prøve å få utøvarane vel over heia, seier han.
I fjor vart rennet avlyst på grunn av uvêr. Sesilåmi, som er det største skirennet på Sørlandet, vart første gang arrangert i 1976.