Sakna 15-åring funne død i Gjerstadvannet

Den 15 år gamle asylsøkjaren som vart meldt sakna i Gjerstadvannet i Gjerstad i går er funne død.

Dykkere i vannet

Dykkarar har søkt etter ein sakna 15-åring i Gjerstad onsdag.

Foto: Elisabeth Grosvold / NRK

Det stadfestar politiet onsdag kveld.

Guten vart meldt sakna i går kveld etter at han hadde vore ute og leika på Gjerstadvannet saman med to andre gutar.

Leitemannskap søkte etter guten i går kveld, men avslutta søket då det vart mørkt. I føremiddag vart leitinga sett i gong igjen med dykkarar. Politiet sa då at dei søkte etter ein antatt omkomme person.

Onsdag ettermiddag kom meldinga om at det var funne ein død person i Gjerstadvannet. Tre timar seinare stadfesta politiet at det var den sakna 15-åringen som var funne.

Guten vart funne i vatnet 30-40 meter frå land.

15-åringen budde på eit asylmottak like ved Gjerstadvannet.