– Det var vanvittig kjekt. Det har vore eit lite mål dei siste vekene. Eg har trent for dette, så det var veldig kjekt å klare å gå til topps, seier Hoelgaard til NRK.no.
Hoelgaard kom i mål på tida 2.56,51.
– Eg prøvde eit lite rykk ein kilometer før mål og fekk ei luke. Den held til mål, så det var herleg, seier han.
Tunge forhold
Totalt 2500 deltakarar stilte til start i det over 50 kilometer lange løpet. Tåke og plussgrader gav vanskelege forhold.
– Det var ein veldig fin tur. Det var tungt føre så det vart lang løpstid, men det var kjekt å gå skirenn, så eg kosa meg heile vegen, seier han.
Tor Joar Ravndal vart nummer to, medan Joar Thele frå Flekkefjord vart nummer tre.
Vann kvinneklassa
Tone Sundvor frå Bjerkreim IL gjekk til topps i kvinneklassa og kom i mål på tida 3.18,03.
Fjorårets renn vart avlyst på grunn av uvêr. Sesilåmi er det største skirennet på Sørlandet og vart første gang arrangert i 1976.
NRK.no kjem tilbake med meir.