Rockefestival pressa til MC-motstand

– Vi har ikkje teke initiativ til dette, men kommunen stiller krav til at samarbeidspartnaren stiller opp og støttar kommunen i denne kampen, seier presseansvarleg i festivalen, Åse Gjelsten Versland til NRK.no.

– Konsekvensane er at Norway Rock rettar seg etter dei føringane som ligg i vedtaket gitt av Kvinesdal i dag, og elles føringane vi får frå politiet, seier ho.

• LES OGSÅ: Frykter mer kriminalitet i kommunene

Får økonomisk støtte

MC-publikummet har utgjort ein stor del av Norway Rock Festival. Blant anna har det vore ein eigen MC-camp på festivalen - utan at det har vore noko særleg bråk. Rockefestivalen gjer det samstundes klart at det er uaktuelt å nekte kriminelle MC-klubbar adgang til festivalområdet.

– Vi vil ikkje diskriminere, seier Sveinung Egeland som er styreleiar i festivalen.

NRK.no kjenner til at festivalen fryktar å miste ein halv million kroner i støtte frå kommunen, dersom dei ikkje rettar seg etter kommunen sitt krav. I tillegg risikerer dei å miste 200 000 kroner i støtte frå Norsk Kulturråd, og pengar frå Vest-Agder Fylkeskommune. Totalt skal det vere snakk om ein million kroner.

– Kvinesdal kommune ynskjer å førebyggje denne form for kriminalitet sett i lys av den tiltakande oppblomstring desse miljøa har fått i våre nærområde, sa ordførar Odd Omland.

Avhengig av støtte

Korleis kravet frå kommunen skal bli handheva under festivalen er framleis uklart, men skal drøftast.

– No skal vi i dialog med festivalen. Så skal vi sjå korleis vi skal gjere dette, seier Omland.

– Vi har ikkje teke initiativ til dette, men kommunen stiller krav til at samarbeidspartneren stiller opp og støttar kommunen i denne kampen. Vi er avhengige av våre økonomiske støttespelarar. Det er fakta for oss, for å kunne klare å levere ein festival, seier Versland

Iførre veke tok Kvinesdal, saman med andre norske kommunar, opp kampen mot at kriminelle MC-klubbar skal få etablere seg. I januar ba KS norske kommunar om å erklære kriminelle MC-miljø uønskt i kommunane. Etter det har fleire kommunar komme på bana, og gjort nettopp det.

• LES OGSÅ: Hells Angels fester grepet om Norge

Festivalen går mellom 7. og 10. juli. i Kvinesdal.