– Kommunikasjon er viktig i alle leiarstillingar, men det er hans lange leiarerfaring innan offentleg sektor som vart vektlagt, seier ordførar i Grimstad, Hans Antonsen, til Agderposten.
Fleire års leiarerfaring
Aglen blir dermed den andre kommunetoppen i Grimstad som har bakgrunn frå kommunikasjonsbransjen. Ordføraren kom sjølv får PR-byrået Ordkraft før han vart ordførar i 2007.
Ifølgje avisa har Aglen leiarerfaring frå fleire kommunar i Aust-Agder, deriblant personalkonsulent, helse- og sosialsjef, organisasjonssjef i Vennesla, Bydelssjef i Kristiansand og sju års erfaring som rådmann i Lillesand.
– Fantastisk
– Det var ein fantastisk telefon å få. Eg har vore veldig spent fordi det var veldig mange gode søkjarar, seier Aglen til Agderposten.
– Grimstad er ein interessant kommune å bli rådmann i, spesielt på grunn av det nye universitetet og den nye motorvegensom gjer dei fleste avstandar korte, seier han.
Utfordringar
– Ei spesiell utfordring trur eg blir å starte arbeidet med økonomien. Ein må ta nokre tydelege grep på enkelte område som eg ikkje er heilt sikker på kva er i dag, seier Aglen til avisa.
Ordførar Antonsen seier det var fleire sterke kandidatar til å ta over som rådmann i kommunen.
– Det var mange sterke kandidatar. Men med den bakgrunn Aglen har, er han veldig riktig rådmann for Grimstad i den situasjonen vi er i no, seier Antonsen.
