– Vi har avslutta arbeidet på staden og bussen er på vegen igjen, seier operasjonsleiar i Agder-politiet, Geir Andersen til NRK.
Politiet veit ikkje kven som stod bak bombetrugselen.
Bakgrunnen for politiaksjonen var ein lapp som vart funne i bussen, som stod parkert på rutebilstasjonen i Lyngdal sentrum.
Politiet vil ikkje seie kva som stod på lappen, men seier det kunne oppfattast som ein bombetrugsel.
– Vi har beslaglagt lappen og saka vil bli etterforska vidare, seier Andersen.
Politiet var ikkje væpna då dei tok seg inn i bussen, men bar hjelm og skotsikre vestar. Etter å ha undersøkt bussen kunne den halde fram ruta som vanleg.
Det var berre sjåføren som var om bord i bussen då han fann lappen.
