Politiet vart varsla som hendinga like før klokka 21 fredag kveld.
– Det skal vere ein person som har gått langs linja som er treft av toget. Vi jobbar med å lokalisere personen, sa operasjonsleiar Eyvind Formo kort tid etter at dei fekk beskjed om hendinga.
Send til sjukehus
Det vart sett i gang ein leiteaksjon etter at lokføraren var sikker på at han hadde treft ein person som gjekk langs jernbanelinja.
Lokføraren anslår at toget hadde ein fart på kring 40 kilometer i timen.
– Lokføraren stadfestar at det har vore eit samanstøyt med ein mann. Han seier også at han såg at vedkommande reiste seg opp igjen, seier innsatsleiar i politiet, Knut Ulven til avisa Frolendingen.
Mannen er send til sjukehus med ambulanse. Det er ikkje klart om han er alvorleg skada.
– Sjølv om han framstår som uskada har lege bestemt at han skal til sjukehus for sjekk, seier Ulven.
Taxi for tog
Arendalsbana er stengt inntil vidare.
– Vi jobbar med å få dei kring 30 passasjerane som var på toget over i taxi, seier Gina Scholz som er kommunikasjonsrådgjevar i NSB til NRK.
På grunn av interne retningslinjer i NSB får ikkje lokføraren køyre toget vidare.
Ein ny lokførar er på veg til Froland.
