– Det er ingen personskader. Det tok fyr i nokre pallar etter ein lekkasje, men den vart raskt sløkt, seier operasjonsleiar ved Agder politidistrikt, Øystein Vellesen til NRK.no.
Store styrker frå brannvesenet og politiet vart kalla ut. I tillegg var fleire ambulansar på plass.
I byrjinga av februar omkom ein 18 år gammal mann i ein eksplosjon ved nikkelverket.
Politiet fekk melding om brannen klokka 20 måndag. 20 minutt seinare var den sløkt.
– Det var ikkje så dramatisk som vi først trudde, seier Vellesen.