Bilete over viser nok ikkje kor bratt bakken eigentleg er.
Men Olsbu som har gått bakken fleire gonger på trening ser lite fram til å gå opp bakken i konkurranse.
Den bratte bakken har nemleg fått namnet «veggen».
– Det er rett og slett ein skikkeleg vegg. Ein lang og bratt vegg, seier Olsbu til NRK.
- Les også: Slik har Olsbu lada opp til VM-debuten
– Kjem til å kjenne syra
– Ein kan liksom ikkje gå å halde igjen heller. Ein må halde hjulet i gang og komme seg opp, seier ho.
Under ski-VM i Falun var det mykje fokus på Mördarbakken, der mellom andre Therese Johaug sikra seg ei stor luke til konkurrentane på fellesstarten med skibyte.
Olsbu trur at mange konkurransar vil bli avgjort i den siste bakken inn mot stadion i Kontiolathi.
– Sidan det er siste bakke inn mot mål trur eg det. Mange kjem nok til å kjenne syra der. Det hadde vore meir avslappande å renne ned bakken i staden for å gå opp, ler ho.
- Les også: Olsbu vil samle erfaring
Gler seg
Marte Olsbu seier at det er stort å få delta i VM. Ho meiner at forma er god.
– Eg har fått gjort alt eg hadde tenkt til å gjere inn mot VM. Alt har gått som planlagt i oppkøyringa. Eg har ikkje noko å skulde på om det går dårleg. No må eg berre få det ut i konkurranse, seier ho.
– Eg gler meg stort. Eg må berre nyte dette og tenke at det er ein sjanse eg har drøymt om heilt sidan eg var liten. Eg må ta sjansen med begge hendene og gjere mitt beste, seier Olsbu.
