NRK Meny
Normal

ØIF: – Ikkje medaljekandiadat

Trenar i ØIF Arendal Leif Gautestad meiner at laget ikkje er godt nok til å kjempe om medalje i eliteserien kommande sesong.

Leif Gautestad

TØFT: Trenar Leif Gautestad trur ØIF vil få det tøft i årets eliteserie. (Arkivfoto)

Foto: Kim Nystøl / NRK

– Vi er ikkje eit topp fire-lag nå, men eit topp åtte-lag, seier Gautestad til Agderposten.

Arendalittane har sikra to fjerdeplassar i eliteserien dei to siste sesongane. I fjor tok laget 30 poeng, medan dei sikra 25 poeng i debutsesongen i eliteserien.

Nye spelarar

Bakgrunnen for at Gautestad trur på ein tøffare sesong neste sesong er at dei andre laga har styrka spelarstallen.

Viking har har blant anna henta inn Vegard Samdahl, som har 70 A-landskampar, Elverum har henta Christoffer Rambo, som har over 40 landskampar. Drammen har sikra seg Lars Erik Bjørnsen som står med 87 landskampar.

To signeringar

Sjølv har ØIF signert Tobias Gjertsen og Elias Halldorsson.

Gautestad meiner at eigne spelarar må jobbe endå hardare for å kjempe om topplasseringar neste sesong.

– Eg krev at spelarane er med på alt eller ingenting av treningar, seier han.