Sørlendingane fekk ein god start på kampen og leia på det meste med fem mål tre minutt før pause. Bergensarane fekk ei redusering på tampen og laga gjekk dermed til pause på stillinga 11-7 til heimelaget.
I andre omgang løfta Tertnes seg og snudde kampen i løpet av ti minutt.
Ti minutt før slutt hadde dei opparbeidd seg ei leiing på fire mål, som heldt ut kampen. Sluttresultatet vart 25-22 til Tertnes.
Dermed har ikkje Vipers Kristiansand vunne ein seriekamp sidan serieopninga mot Gjøvik 15. september. Etter det har det blitt ein uavgjort og to tap i serien.
Klubben er klar for kvartfinale i cupen der dei møter Stabæk 24. oktober.