Rozemalen har fleire landskampar for både u- og a-landslag. 22-åringen er allereie i Kristiansand og har hatt fleire treningar med eliteserieklubben.
– Ho er ein keivhendt, spennande og allsidig høgreback, seier sportssjef i Vipers, Peder Langfeldt til NRK.
Langfeldt avviser ikkje at klubben vil hente fleire spelarar før seriestart.
– Det er vanskeleg å seie, men vi ynskjer endå ein spelar. Vi får sjå, seier Langfeldt.
Rozemalen kjem frå den nederlandske toppserieklubben VOC Amsterdam.
Vipers opnar sesongen heime mot Flint Tønsberg 4. september.