Det viser ei meiningsmåling Infact har gjort for Agderposten. Fylkesordførar i Aust-Agder, Laila Øygarden, trur løpet er køyrt og legg skulda på sjukehusstriden.
- LES OGSÅ: Folkeavstemning i Aust-Agder
– Det er sjukehusstriden vår som er årsaka. Den dagen eg såg 12 000 menneske gå i fakkeltog for tredje gang, sa eg til meg sjølv: der gjekk spikeren i kista, seier Øygarden til Agderposten.
Trur sjansane er mindre
– Så lenge dette fokuset er på sjukehuset vårt, og no er det jo noko i avisene nesten kvar dag, så trur eg sjansane vert mindre og mindre for at det skal bli fleirtal for å slå saman fylkene. Dessverre, men det er jo mindre enn eitt år att til folkeavstemning, seier ho.
- LES OGSÅ: Sørlendinger om fylkessammenslåing
Sjølv er ho klar på at ho framleis ynskjer eitt Agder.
– Eg meiner eitt Agder er det riktige. Det vil gi meir effektiv drift, og bli meir slagkraftig. Vi har jo så mykje felles allereie, seier Øygarden.
Nektar å gi opp
Ho får støtte av fylkesvaraordførar Oddvar Skaiaa.
– Det har vore eit voldsomt køyrt på dette med sjukehuset. Så klarar ikkje folk å sjå skilnaden på sjukehus og fylkeskommunen sitt ansvarsområde. Det forstår eg på ein måte, men vi får prøve å få folk til å forstå at dette ikkje kan samanliknast, seier han til NRK.no.
- LES OGSÅ: – Ett Agder løser ikke alle problemer
– Trur du løpet er køyrt med tanke på ei fylkessamanslåing?
– Nei, eg trur ikkje det. Men det er klart at på den stemningsbølgja som har vore ser det negativt ut. Men ting snur fort, det var vi sett i mange samanhengar. Eg er ikkje villig til å gi opp endå. Eg trur at vi med sakleg og god informasjon kan vinne tilbake ganske mange av desse folka, seier Skaiaa.