Møteulykke i Mandal

I morgontimane har det vore tre trafikkulykker/-uhell på Sørlandet. I Mandal kolliderte ein bil med motgåande trafikk. Ein person er køyrd bort med ambulanse.

Trafikkulykke Kirkeheitunnelen
Foto: Ronny Blix

Ulykka skjedde rundt klokka 07:30 i Mandal, i eit kryss på E39 før Kirkheietunnelen.

Bilen blei treffen av motgåande trafikk då den skulle krysse vegen.

Det var ei periode full stans i austgåande løp, men dette er no opna igjen.

To bilar med tre personar til saman var involvert i hendinga. Ein person vart sendt til sjukehus med ambulanse, men det var ingen alvorlege skadar, opplyser operasjonsleiar Audun Eide.

Laster Twitter-innhold

I tillegg til dette var det to andre trafikkulykker:

  • 07:02: Melding om trafikkulykke i Rismyrkrysset, Songdalsveien. Ingen personskadar. Føraren av den eine bilen har stukke av. Politiet har ikkje funne føraren endå. Trafikken går som normalt igjen.
Laster Twitter-innhold
  • 07:50: To bilar kolliderte ved bedehuset i Nodeland. Ein person i kvar bil, derav ein av dei klagar over nakkesmerter. Politiet har vore på staden, begge bilane er ute av vegen. Ingen trafikale problem. Begge partar er på legevakta til sjekk.
Laster Twitter-innhold
Ulykke kirkeheitunnelen
Foto: Ronny Blix