Hopp til innhold

Mjelde: – April blir knalltøff

Tre av dei fire første kampane for Start i 1. divisjon skal spelast på bortebane.

Mons Ivar Mjelde

KLAR: Start-trenar Mons Ivar Mjelde er klar for sesongstart.

Foto: Knutsen, Marius / SCANPIX

Mons Ivar Mjelde

BORTEKAMPAR: Mons Ivar Mjelde og Start spelar tre bortekampar på dei fire første rundene.

Foto: Sander Heggheim/NRK

– April månad er knalltøff for vår del. Men vi skal ta ein av gangen og førebu oss godt på det som ventar i Sarpsborg, seier Mons Ivar Mjelde til NRK.no.

Førstkommande måndag startar sørlendingane med bortekamp mot Sarpsborg 08. Helga etter kjem Hamkam på besøk til Sør Arena. Så ventar bortekampar mot Sandefjord og Ranheim i dei to påfølgjande kampane.

Måndag spelte dei gule og svarte uavgjort 1-1 i generalprøva mot 1.divisjonskollega Notodden.

– Vi veit at vi må opp nokre knepp. Vi veit og at om vi vinn, tapar eller spelar uavgjort mot Sarpsborg, så har vi akkurat same fokus og tru på eigne ferdigheiter resten av sesongen, seier Mjelde.

– Vi skal spele 30 kampar og vi skal slåst som heltar i kvar einaste kamp for å få tre poeng til Start, seier han.