Mannen nekta å stoppe i ein politikontroll på fylkesveg 420. Dette gjorde at politiet la seg på hjul etter han.
Men mannen kom ikkje langt før det vart stopp.
48-åringen var i ferd med å svinge ut på E18 då det eine framhjulet datt av bilen.
– Mannen vert no sett i arresten mistenkt for køyring i ruspåverka tilstand, seier operasjonsleiar i Agder-politiet, Miriam Stausland til NRK.
Hjulet som datt av bilen trilla godt over 100 meter før det stoppa, men ingen skal ha blitt treft.
Mannen er ein kjenning av politiet.