Dagleg leiar Araceli Moustaide er overraska.
– Eg kunne forvente at det kunne påverke det på nokre måtar. Men etter to dagar har vi sett at det har kome færre og færre folk. Vi byrjar å bli veldig uroa.
Bonjour Cafe ligger like ved jernbanestasjonen i Kristiansand.
Foto: Odd Rømteland / NRKForstår skepsis
Ho forstår at folk kan bli skeptiske, men hadde ikkje forventa eit så stort fall i talet på besøkande.
– Når det kjem nye folk til ein liten by som Kristiansand, er det kanskje normalt å bli litt skeptisk for dei som kjem. Vi merkar oss at det er over 50 prosent mindre omsetning per dag etter at det kom fram i media at dei kjem hit for å ete.
- Les også:
God kapasitet
Restauranten har kapasitet til mange gjestar, så det er heller ikkje plassen det står på.
– Vi har 88 gjestar som kjem frå hotell. Dei delar vi i fire grupper, der dei kjem i puljer på 22 stykk per gong. Så det er ingen problem med plass, for vi har ein kapasitet for over 60 gjestar.
Moustaide trur rett og slett kristiansandarane er litt redde. Men det har dei ingen grunn til, ifølgje henne.
– Det er ikkje noko bråk her, faktisk er det veldig roleg.
- Les også:
Ali (t.h) kommer fra Irak. Han synes maten de får servert i Kristiansand smaker bra. Vennene hans kommer også fra Irak og Syria.
Foto: Odd Rømteland / NRK
– Som å gå på ein restaurant i utlandet
NRK spurde to nordmenn som var på restauranten om kva dei tenkte om det sviktande talet på gjestar etter at restauranten starta å servere mat til asylsøkjarar.
– Det kan eg forstå. Eg trur folk kan bli litt redde, ikkje nødvendigvis for framande, men eg trur ein er litt konservativ når det gjeld nye folk.
– Vi var ein gjeng her før som syntest det var ordentleg triveleg.
– Er det triveleg no?
– Ja, det går på eit vis.
Dei meiner også at atmosfæren på restauranten har endra seg.
– Det er klart at du ikkje kan legitimere det same miljøet som var her tidlegare. Dette blir på ein måte som å gå på ein restaurant i utlandet der ein går med eit heilt anna folkeslag rundt seg. Men då går ein jo inn i det. Her har det kome inn til oss, og du kan seie at det påverkar. Men det går føre seg i rolege, fine former, så ikkje noko negativt om det.
