Bieber-fansen har ein ting til felles. Dei vil gjerne vise det.
Det gjorde at ho tok strikkepinnane fatt, og resultatet vart altså eit eige Justin Bieber-panneband.
Ho byrja med å publisere bilete av pannebanda på Facebook. Seinare har bestillingane hagla inn.
I tillegg har ho laga panneband med One Direction på.
– Han er perfekt
– No har eg berre hatt bestillingar, eg har ikkje lagt dei ut for sal. Det har eg ikkje hatt nokon ferdig til, seier ho.
I klasse 8C på Risør ungdomsskole sit ein venninnegjeng som gler seg stort til idolet deira går på scena i Oslo i april.
– Eg skjønar ikkje korleis ho klarar å strikke bokstavar, kommenterer ei av dei.
Venninnegjengen svarar slik på kvifor dei er så begeistra for artisten.
– Han er talentfull, kjekk og bryr seg om fansen sidan han viser initiativ. Og så er han perfekt, fniser Josefine Gjerde.
Strikkar og strikkar
I mai i fjor vart fleire titals Bieber-fans skada etter ein minikonsert med Bieber på Opera-taket i Oslo. Truleg var det over 20 000 menneske på taket og i nærleiken.
Sjølv om ho strikkar for harde livet forstår ikkje Laila Marit heilt fascinasjonen for artisten.
– Eg trur det er litt tenåringar generelt. Når dei først har funne eit idol er det det som betyr noko, seier ho.
Tenåringane trur at pannebandet vil slå an.
– Dorthe Skappel laga vel ein strikketrend. Så det kan ho sikkert klare med Justin Bieber også. Eg trur det kan bli ein trend, seier Josefine Gjerde.