NRK Meny
Normal

Har sett i gang leiteaksjon etter mann (64)

Politiet har sett i gang leiteaksjon etter ein 64 år gammal mann, som er meldt sakna i Bygland i Aust-Agder.

Laster kart, vennligst vent...

64-åringen vart meldt sakna etter at han ikkje kom heim til avtalt tid tysdag kveld.

Mannen skal ha vore på ei hytte like ved Vestre Krokevatni i Bygland. Hytta ligg på kring 900 meter over havet.

Det er sett inn Sea King-helikopter i området. I tillegg er det sett inn dykkarar i vatnet.

– Vi avventar litt med meir mannskap fordi det er mørkt. Vi ser det ikkje hensiktsmessig at det blir søkt i terrenget, som er veldig ulendt, seier operasjonsleiar i Agder-politiet Geir Andersen til NRK.

– Det kan vere farleg for mannskapa. Vi avventar litt og vurderer kva vi skal setje inn av ressursar torsdag morgon, seier han.

Ifølgje politiet skal mannen vere i god fysisk form.

NRK oppdaterer saka.