– Vi skulle helst ha unngått dette, men tilpasningar må gjerast. Storby er tydelegvis ingenting å satse på sommartid. Passasjerane vil til Middelhavet. Det må vi ta konsekvensen av, seier eigar Espen Hennig-Olsen til Fædrelandsvennen.
Espen Hennig-Olsen er framleis optimistisk trass i at selskapet må kutte ruter allereie etter ein månad.
Foto: Aud Kathrine Danielsen / NRKDersom selskapet hadde halde fram med bortimot tomme fly til dei to byane, hadde selskapet tapt rundt 1,3 millionar kroner berre i sommar.
Pengane renn ut
– Det er riktig å agere no, framfor å sjå pengane renne ut, seier han.
Hennig-Olsen påpeikar at rutene til Paris og Berlin er tilbake igjen allereie til hausten.
Ifølgje avisa vert ruta til Berlin kutta 3. juni, medan Paris-ruta vert kutta 6. juni. Måndagsruta til Parma vert kutta frå 10. juni.
Hennig-Olsen understrekar at alle passasjerane, som har kjøpt billett til destinasjonane, får tilbod om pengane tilbake. Eller dei kan booke om til kva som helst av dei andre destinasjonane til selskapet.
Må ha 60 for å gå i pluss
Trass i kutt allereie etter ein månad er Hennig-Olsen optimistisk.
– Alle som flyr med oss, skryt. Men vi har for få passasjerar. Storby-rutene til Berlin og Paris var nede i ein kabinfaktor på 15 til 20. Vi kan ikkje halde fram med 10 og 15 passasjerar i snitt i flysom har plass til 100, seier han.
Hennig-Olsen har tidlegare sagt til NRK at reiseselskapet må ha over 60 passasjerar for å gå i pluss.
