Hopp til innhold

Larvik klar for sin 15. strake cupfinale

Vipers Kristiansand hadde ein draum om å stoppe Larvik si imponerande cupfinalerekke. Og det vart med draumen.

Vipers Kristiansand
Foto: Sander Heggheim/NRK

– Åååå, det var herleg altså. Vi har gleda oss til denne kampen så lenge. Kenneth Gabrielsen har hausa dette opp, men forstår ikkje at det tenner oss endå meir, så det var ekstra «digg» i dag, seier Larvik-spelar Amanda Kurtovic til NRK etter kampslutt.

Amanda Kurtovic

Amanda Kurtovic og Gro Hammerseng-Edin omfamnar kvarandre etter at cupfinalen var sikra.

Foto: Sigbjørn Kristiansen/NRK

Vipers Kristiansand har eitt mål på sikt: å vippe Larvik ned frå trona i norsk kvinnehandball.

Men framleis er rosatrøyene frå Kristiansand som lillesøstre å rekne.

– Blir for lett

For i onsdagens cupsemifinale i Aquarama i Kristiansand var det Larvik som nok ein gong kunne juble for plass i cupfinalen. Der møter dei Tertnes, som slo Sola i den andre semifinalen.

Linn Jørum Sulland, Vipers Kristiansand

Linn Jørum Sulland.

Foto: Sander Heggheim/NRK

Vestfoldingane slo Vipers til slutt 32–26 føre rekordstort publikum på Vipers si heimebane. 2300 tilskodarar hadde møtt opp til handballfesten.

– Til slutt er vi ikkje nær i det heile. I periodar har vi noko her å gjere, men vi må ha fleire slike gode periodar. Vi må stramme opp bakover, for det blir alt for lett, seier Vipers-spelar Linn Jørum Sulland.

Gjestene frå Vestfold tok oppskriftsmessig tak i kampen frå start i Kristiansand og leia 3–0 tre minutt ut i kampen.

– Vi hadde overtenning i dag. Eg merka på heile gruppa at vi var ekstra konsentrert. Det var ikkje ein vanleg kamp. Cup er cup og i dag gav vi alt. All honnør til jentene og laget, seier Kurtovic om lagvenninnene.

Kenneth Gabrielsen om tapet mot Larvik i semifinalen

Sjå intervju med Vipers-trenar Kenneth Gabrielsen.

Hang med i 45 minutt

Hardtsatsande Vipers kjempa febrilsk for å komme seg inn igjen i kampen og lukkast delvis.

Larvik leia 15–10 til pause.

13 minutt før slutt reduserte Thorey Rosa Stefansdottir til 22–24 for Vipers. Men der var det stopp, og Larvik tok seg til slutt komfortabelt til sin 15. strake cupfinale.

Laget har altså spelt 14 strake cupfinalar og vunne 13 av dei. Tapet kom mot Byåsen i 2007.

Linn Gjørum Sulland er skuffet over semfinale-tapet mot Larvik

Sjå intervju med Vipers-spelar Linn Jørum Sulland.

– Fantastisk publikum

Etter kampen var Vipers-spelaren opptekne av trykket og stemninga i hallen.

Larvik-spelarane møtte blant anna massiv pipekonsert frå heimepublikummet då dei var i angrep.

– Det var heilt fantastisk. Slik buing har eg ikkje opplevd i Norge før. Eg er litt skuffa over at vi ikkje gjer ein betre jobb når tilskodarane presterer så til dei grader. Vi får love at vi skal gjere ein betre jobb neste gang, seier Sulland.

Amanda Kurtovic om seieren mot Vipers Kristiansand i semifinalen i håndballcupen

Sjå intervju med Larvik-spelar Amanda Kurtovic.

Siste nytt fra NRK Sørlandet

null
Spiller nå
Sjimpanser på påskeeggjakt 00:55
Neste

Økonomistatus

Strømpris i dag

Inkludert avgifter

Billigst kl. 23 1,14 kr
Dyrest kl. 07 1,48 kr

Strømkostnader nå

  • Steke pizza 0,6 kr 25 min.
  • Dusje 5,6 kr 10 min. / 100 liter vann
  • Vaske klær 0,7 kr En vask
  • Varmeovn 1,4 kr 1000w, en time

Styringsrenta i prosent

Høyere styringsrente betyr økte utgifter dersom en har boliglån

Økte matpriser

Hvor mye matprisene har økt det siste året, sammenlighet med lønnsutvikling

  • Matvarer Feb 2023 – feb 2024
    + 6,3 %
  • Lønnsutvikling Anslag for 2024
    + 5,5 %