KrF gjekk fram i Froland

Det er uklart om Senterparti-ordførar Sigmund Pedersen får halde fram som ordførar i kommunen. KrF gjekk fram 7,8 prosentpoeng frå førre val.

Sigmund Pedersen

UT?: Det er uklart om Sigmund Pedersen får halde fram som ordførar i Froland.

Foto: Benedicte Goa Ludvigsen / NRK

Dermed har KrF fire representantar i kommunestyret. Senterpartiet misser ein representant og står tilbake med seks.

Det betyr at ordførarjobben truleg står mellom dagens ordførar Sigmund Pedersen (Sp) og fylkesleiar i KrF, Ove Gundersen.

Framstegspartiet får behalde sine tre representantar, sjølv om partiet gjekk tilbake 3,7 prosentpoeng frå førre val.

Slik gjekk valet i Froland:

  • Arbeiderpartiet fekk 19 prosent av stemmene og står framleis med fire representantar
  • Senterpartiet gjekk tilbake 7,5 prosentpoeng til 30,6 prosent og misser altså ein representant. Dei står att med seks i kommunestyret.
  • KrF gjekk altså fram 7,8 prosentpoeng til 24,1 prosent. Dei får altså ein representant meir og står med fire.
  • Venstre får ingen representantar med sine 3,3 prosent
  • Høgre får to representantar. Ved førre val fekk dei null.
  • Frp står med tre representantar etter årets val. Det same som førre gang.