Kongen vart kongen møtt av glade barn, fungerande fylkesmann Knut Berg, Gjerstad-ordførar Inger Løite og politimeister Kirsten Lindeberg på Gjerstad stasjon i 15-tida tysdag ettermiddag.
Tradisjonen tru vart han møtt av to barn med blomster.
Besøkte regnskogen
Etter mottakinga på togstasjonen vart kongen frakta til Den Lille Dyrehage i ein veteranbuss. Der skulle han innom regnskogen.
– Det var veldig artig. Eit veldig morosamt påfunn. Dei har fått det flott til også, sa kongen til NRK.
Det var ikkje tilfeldig at kongen besøkte regnskogen i dyrehagen. Kongen er nemleg høg beskyttar for årets tv-aksjon.
Kongen har tidlegare besøkt regnskogen. I 2013 fekk han draumen oppfylt då han budde saman med yanomami-indianarane djupt inne i Amazonas i fire dagar.
Møtte ungdommar
Etter dyrehagebesøket møtte kongen mellom anna einslege mindreårige asylsøkjarar. Bakgrunnen var Gjerstad kommune sitt vellukka arbeid med integrering.
– Det er veldig interessant, morosamt og hyggeleg å sjå korleis kvart lokalsamfunn tek var på sine innbyggjarar som våre nye landsmenn vert ein del av. Eg snakka med fleire av dei og dei følte seg veldig heime her, seier kongen.
Han møtte også bebuarar frå Gjerstadheimen, MOT-ungdom, ungdom frå Jeger- og Fiskeforeininga og Gjerstad Idrettslag.
Tidlegare på dagen var kongen på besøk i Drangedal.