Kom til vinter-Norge på sommardekk

Fem vogntog vart nekta å køyre vidare av politiet. Vogntoga vart stoppa på ferjekaia i Kristiansand.

Sommerdekk på vinterføre

STOPPA: Fem vogntog vart nekta å køyre vidare av politiet. Alle kom til vinterføret i Noreg med sommardekk. (Arkivfoto)

Foto: Per-Kåre Sandbakk / NRK

Totalt 22 vogntog var kontrollert søndag morgon. Ni av dei stoppa frivilleg, medan fem altså ikkje får køyre vidare.

– Dei vil bli ståande der til dei kan dokumentere at dei har skikka utstyr til norske forhold, seier operasjonsleiar ved Agder politidistrikt, Hans Petter Osaland til fvn.no.

Sidan fredag har politiet kontrollert alle vogntoga som har komme med danskebåten til Kristiansand.

Tidlegare har politiet sagt at dei vil halde fram med kontrollane så lenge forholda på vegane er som no.