I kveldens kamp knuste ØIF Arendal Stort 31-17 på bortebane. Arendalittane tapte mot det same laget på heimebane tidlegare i år.
– I dag tykkjer eg vi presterer på eit veldig høgt nivå. Antakeleg det beste eg har vore med på med dette ØIF-laget. Vi startar kampen som ein gjeng svoltne løver. Det ser ut som om vi er sluppe ut frå Kristiansand Dyrepark, og vi fightar rett og slett Stord i senk, seie trenar Leif Gautestad til NRK.
God Paulsen
Laget låg føre ØIF på betre målskilnad på tabellen før kveldens kamp. Men det var klasseskilnad på laga - iallefall sett utifrå sluttresultatet. Allereie etter 14 minuttar spel hadde sørlendingane opparbeida seg ei solid leiing med 10-4. ØIF Arendal leia 19-8 til pause.
I andre omgang heldt ØIF Arendal fram med å køyre over Stord. Med ungguten Sondre Paulsen i spissen, leia laget heile 30-15 midtvegs i andre omgang.
Nær medalje
Sondre Paulsen vart toppscorar med sju mål. ØIF Arendal ligg no på 6. plass på tabellen kun tre (!) poeng bak medaljeplass. Men Gautestad torer ikkje heilt å tru på edelt metall.
– Vi kan sjå oppover. Sjølvsagt fins det moglegheiter til å ta att laga føre oss på tabellen. Vi skal gjere så godt vi kan og eg trur vi kan ha moglegheiter, men eg har eit relativt audmjukt forhold til dette med medalje, seier Gautestad.
Laget har vunne fire av fem kampar etter nyttår.
