Det var trioen Svein Åmdal, Ove Kristian Jørgensen og Ragnhild Misje som deltok for kristiansandsskulen.
Fiskå skole vann den første utgåva av Klassequizen for to år sidan.
Full pott
I første kategori trekte dei tre «Hjarte». Her vart det mellom annan spurt om kva europeisk land fotballklubben Hearts kjem ifrå. Laget svara riktig, nemleg Skottland. I den første kategorien fekk laget 3 av 4 moglege poeng.
I den andre kategorien stod det «Aust» på lappen som vart trekt. Ei av oppgåvene var å plassere kommunane Grimstad, Evje og Hornnes og Birkenes i riktig rekkjefølgje frå vest mot aust. Laget svarte riktig også her: Evje og Hornnes, Birkenes og Grimstad.
Totalt sikra dei seg 4 av 4 moglege poeng i den andre kategorien.
Plankekøyring
Også siste runde vart plankekøyring for laget frå Kristiansand. Kategorien heitte «Søt» og matematikk var ei av oppgåvene. Dei var nemleg spurt omkva to kilo smågodt kostar når ein hekto kostar 11,90,-. Laget svarte riktig også her: 238,-. Det betyr 4 av 4 poeng også her.
Totalsummen ende dermed på 11 av 12 poeng for kristiansandarane.
Klassequizen er ein landsomfattande konkurranse der kvart fylke har sine innleiande rundar. Dei beste laga frå dei innleiande rundane går vidare til lokale finalar.
Til slutt møtest dei lokale vinnarane i nasjonal finale på TV i mai 2013.