– Dette var veldig bra. Skikkeleg, skikkeleg deilig, seier deltakarane på vinnarlaget etter å ha drege i land sigeren.
Det var nemleg eit reint Grimstad-oppgjer i Aust-Agder-finalen i Klassequizen.
Og det vart ein intens og spennande finale i NRK Sørlandet sine lokale på Tangen i Kristiansand. Etter både den tredje og fjerde runden stod det heilt likt.
Avgjort i siste runde
Dermed måtte vi vente heilt til den siste spørsmålsrunden for å få ein vinnar.
På det siste spørsmålet om kva Norges klima- og miljøminister heiter fall avgjerda. Fjære svara Vidar Helgesen som er rett. Medan Holviga bomma då dei svara Ine Eriksen Søreide.
Totalt tok Fjære ungdomsskole to poeng fleire enn naboen Holviga ungdomsskole og sikra dermed finaleplass.
På laget frå Fjære ungdomsskole stilte Amalie de Jong Martinsen, Daniel Kjebekk Drivdal og Jonathan Bergqvist.
Frå Holviga skole stilte Jonas Svendsen, Johanne Ostad og Ragnhild Wirak.
Finale i Oslo 14. mai
14. mai skal Fjære ungdomsskole delta i den nasjonale finalen i Oslo med alle fylkesvinnarane.
Der møter dei blant anna Haumyrheia skole frå Kristiansand som vann den lokale finalen i Vest-Agder.