Thomas Langeland
Foto: Svein Sundsdal / NRK– Det stadfestar at vi er inne i ei veldig positiv utvikling og at markanden generelt er positiv både på næringslivssida og på fritidsreisesida, seier lufthamnsjef Thomas Langeland til NRK.no.
Vektarstreik
Men at auken er på heile 30 prosent har truleg noko å gjere med at Kjevik i juni fjor vart ramma av vektarstreik.
– Kompenserer vi for dette i forhold til årets tal har vi framleis ein betydeleg vekst, seier Langeland.
I løpet av første halvår har det blitt 18 prosent fleire reisande på Kjevik, i forhold til i 2010. Lufthamnsjefen trur at veksten vil halde fram.
– Eg ventar at hausten også vil gi framleis vekst, men kanskje ikkje så stor som vi har sett første halvår, seier han.
– 5-6 prosent
– Vi hadde ein god vekst andre halvår i fjor. Men det er klart at det skal noko til å oppretthalde ein 18 prosent vekst. At vi kjem til å liggje mellom 5-6 prosent per månad trur vi er rimeleg treffsikkert, seier Langeland.
Fleire reisande betyr også fleire utfordringar fro flyplassen på Kjevik. Spesielt i morgonrushet opplever dei ofte store køar i sikkerheitskontrollen. Der er det no sett i verk tiltak. Blant anna vil bemanninga bli auka. I tillegg vil det komme ein ekstra sikkerheitskontroll over sommaren.
