Alle dei 120 vogntoga stoppa i Arendal før dei returnerte nordover igjen. Vogntoga hadde holdt ein snittfart på rundt 50 km/t. Dette førte til store køar på E18.
Krev firefelts motorveg
Aksjonistane krev ny firefelts motorveg på strekninga.
– Aksjonen har vore vellukka så langt. Stemninga er veldig bra, og eg føler vi når fram med bodskapet vårt, seier aksjonsleiar, Vidar Tellefsen til NRK Sørlandet.
Han seier dei stort sett har fått positive reaksjonar frå folk langs E18.
Norske flagg
– Det er klart at nokre blir irritert, og det forstår vi. Men mange har stått langs E18 og vinka til oss. Nokre har til og med hatt norske flagg. Bilistar har tuta og gitt oss tommel opp. Dei fleste forstår kor viktig det er med ein sikker og god veg, seier han.
Etter ein matpause i Arendal returnerer kortesjen nordover mot Porsgrunn igjen.
– Det blir same opplegg nordover igjen, seier han.