Brannvesenet fryktar storbrann dersom det byrjar å brenne i den verneverdige trehusbebyggelsen frå 1800-talet.
– Neste brann kan bli stor dersom andelen ikkje er større. Vi må opp i ein andel som gjer at vi er nøgde og kan seie at no har vi ei god brannsikring for posebyen, seier Jan Røilid i brannvesenet i Kristiansand til NRK.no.
Kostar 14 000 kroner
Få bebuarar har altså meldt interesse så langt. Det trådlause varslingssystemet, som går rett til brannvesenet, ved ein brann kostar totalt 14 000 kroner per husstand, men kommunen vil betale halvparten.
Det betyr at huseigarar må ut med 7000 kroner for å brannsikre bustaden sin. Røilid håpar at fleire huseigarar kjem på bana snart.
- LES OGSÅ: Verneverdige hus brenn mest
– Vi er nok litt trege av oss. Vi trur at dette ikkje skjer oss, og vi tenkjer ikkje over konsekvensane av ein brann. I kombinasjon med ugunstige vêrforhold. Den kan bli veldig stor i ein slik bydel, seier han.
Lett offer for flammane
Dersom ikkje kan tvang vere eit alternativ.
– Alternativet likar eg ikkje å bruke, men det kan vere å ta i bruk myndigheitsrolla og krevje dette, rett og slett, seier Røilid.
- LES OGSÅ: Stopper riving av hus
Gammal og tett trehusbebyggelse er eit lett offer for flammane. I januar i år stod fleire hus i brann i Stavanger. Heldigvis kom folk uskadde frå brannen, men husa vart påført omfattande skader.
– Vi er i ein verneverdig bydel i Kristiansand. Ein brann her kan bety utradering av dei rekkje kvartal og rekkjehus. Dette er forferdeleg viktig, seier styremedlem i Posebyen vel, Bjørn Martens.
Frå dør til dør
– No er vi på ein tredjepart av dei som bur i verneverdige hus. Skulle det ikkje bli fleire no vurderer vi å banke på dør til dør, seier han.
For brannvesenet er klare på er klar på kva dei meiner.
- LES OGSÅ: – Uerstattlige verdier har gått tapt
– Faren for at ein brann smittar ut frå startbygget til neste bygg i rekkja er stor, når det startar på eit ugunstig tidspunkt i kombinasjon med dårlege vêrforhold. Dette er det viktigaste enkelttiltaket i forhold til å få tidleg varsling i kombinasjon med reaksjon frå byggeigar sjølv, eller eventuelt brannvesenet, seier Røilid.