Julegrana knakk rett av

Grana var ikkje sikra og vår reporter rapporterte følgjande frå julegrantenninga på Sam Eydes plass i Arendal sentrum:

– Folk stod på god avstand. Folk var nok litt usikre på om den ville halde, sa reporteren.

Få minutt etter deisa altså grana i bakken. Til alt hell skal ingen personar ha vore i nærleiken då den kring 12 meter høge grana knakk heilt nederst.

Sikra med tau

I Kristiansand var julegrana på Torvet sikra med tau fleire stader for å hindre at den skulle velte. Det var óg sett opp sperringar nær grana.

– Det er trygt. Viss ikkje hadde vi ikkje gjort det. Vi har bardunert treet og sperra av, seier Leif Jensen til NRK.no.

Måtte halde seg fast

– Når vi rigga tidlegare i dag måtte eg halde meg fast i ein stolpe for å ikkje blåse bort. Når det knakk for to år sidan var det mindre vind enn no, seier han.

Han var sikker på at grana skulle tole vinden.

– Den knekk ikkje no når vi har bardunert den. Viss vi ikkje hadde gjort det hadde det knekt, seier Jensen.

Også på Birkeland tok vinden tak i julegrana. Akkurat i det nissane pakka saman kom det eit skikkeleg vindkast som gjorde at grana vart skeiv.

Rask handling med traktor gjorde at ein fekk retta opp igjen grana.