Flåten er ein av hovudattraksjonane på Risør Trebåtfestival som opnar torsdag. På plass er også Thor Heyerdahl jr.
– Dette var kjempemoro. Dette var min fjerde seilast med Kon-Tiki. Første gang var i Peri, andre i Tahiti, tredje mellom Larvik og Stavern, og no her i Risør, seier Heyerdahl jr. til NRK.no.
Filminnspeling
Flåten har blitt brukt i filminnspeling om Kon-Tiki. Filmen har premiere 24. august. Men Thor Heyerdahl jr., fekk sjå filmen i ei «snikpremiere» onsdag.
– Eg grudde meg litt til å sjå den og var veldig spent på førehand. Eg fekk sjå den på ei privat framsyning og vart gledeleg overraska, seier han.
– Dei har behandla mor mi og far min på ein god måte. Særleg mor mi vart portrettert på ein nydeleg måte, seier han.
– Den er mytisk
Fylkesmann i Aust-Agder Øystein Djupedal var til stades då flåten la til i Risør.
– Det var fantastisk spennande. Kon-Tiki er jo mytisk. Alle som er nordmenn kjenner legenda, seier han.
– Eg gler meg veldig til filmen kjem. Når Thor seier at det er ein flott film, gjer det ekstra inntrykk, så det gler eg meg til, seier Djupedal.
5. august reiser Kon-Tiki vidare frå Risør til Oslo. I hovudstaden skal den vere med på premieren av filmen «Kon-Tiki».