NRK Meny
Normal

Her går det gale for Olsbu

Sjå skiskyttar Marte Olsbu oppsummere sesongen medan ho klatrar på bruskassar.

Se Marte Olsbu i klatre på bruskasser under NM i skiskyting i Mo i Rana.

Sjå Marte Olsbu klatre på bruskassar.

– Eg slit litt med å få kassane på plass. Lønnar det seg å stå på tå, eller kva er greia? Eg skulla ha vore balettdansar, kommenterer frolendingen medan ho plasserer ein ny bruskasse under seg.

NRK utfordrar skisyttarprofilane i bruskasseklatring under NM i Mo i Rana. Samstundes stiller kommentator Andreas Stabrun Smith spørsmål.

Først ut var Johannes Thingnes Bø fredag, som klarte ni.

Beste sesong

I NM har det så langt gått stang ut for sørlendingen. 10. plass på sprinten og 4. plass på jaktstarten er behaldninga til no. Men totalt sett har 26-åringen levert sin beste sesong i verdscupen nokon gang.

Berre 11 løparar var betre i verdscupen totalt. Berre Tiril Eckhoff av dei norske, på plassen føre, har gjort det betre enn Olsbu i verdscupen.

Men det vart med den eine pallplasseringa i verdscupen individuelt denne sesongen. Den på sprinten i Pokljuka. På stafett og mix-stafett vart det til saman tre pallplasseringar. Neste år håpar ho på fleire topplasseringar.

Siktar mot toppen

– Det har vore min beste verdscupsesong totalt. Men eg saknar sjølvsagt topplasseringane, seier Olsbu medan ho klatrar.

– Kjem dei neste år?

– Eg håpar det. Det gjer eg, seier Olsbu kort for å halde konsentrasjonen på toppen av bruskassane.

Ho endar på 13 og slår dermed Johannes Thingnes Bø.

– Har eg slått Johannes, spør ho ivrig.

NRKs skiskyttarkommentator Stabrun Smith nikkar.

– Viktig, gliser Olsbu og viser tommel opp.

Søndag deltek ho på fellesstarten under NM i Mo i Rana.

Fra dagens sprinter i Mo i Rana.

Se her hvordan det gikk med Johannes Thingnes Bø, da han skulle klatre på bruskassene.