NRK Meny
Normal

Her er nattas politilogg

Ordensforstyrrelsar og rus har prega natta for Agderpolitiet. Her kan du lese politiloggen.

POLITI
Foto: KYRRE LIEN / SCANPIX

Kristiansand, kl. 04.50: Melding om to personar som klatrar i ei kran i Tollbodgata. Blir gitt pålegg om å halde seg på bakken.

Kristiansand, kl. 03.00: Ein person blir bringa inn til arresten og meldt til politiet etter å ha oppført seg aggressivt ved ein utestad.

Risør, kl. 02.50: Ein mann vist bort frå ein utestad i Risør, etter å ha oppført seg sint og aggressivt.

Flekkefjord, kl. 02.21: Ein mann meldast for offentleg urinering.

Kristiansand, kl. 02.00: Hissig gjest vist bort frå utestad.

Grimstad, kl. 01.30: Gjest blir vist bort frå ein utestad i Grimstad. Etterfølgjer ikkje dette, og kjem deretter tilbake. Blir innsett i arrest.

Grimstad, kl. 01.26: Rusa person vert teken i Grimstad. Blir meldt til politiet etter at urinprøve viser bruk av narkotika.

Søgne, kl. 01.23: Melding om ein rusa mann som syklar på E39 ved Søgne. Syklar ein sykkel med tralle. Politi på staden pågrip mannen då han var i besittelse av narkotika.

Tvedestrand, kl. 01.15: Fire personar vert vist bort frå ein utestad etter slagsmål. Mogleg meldingar i ettertid frå partane.

Kristiansand, kl. 01.00: Mann innbragt frå utestad etter å ha vore kranglete. Ville ikkje etterkomme pålegg frå politiet

Kristiansand, kl. 00.44: Melding om bil som tømmer søppel ved garasjeanlegg på Slettheia.

Søgne, kl. 22.43: Ein openbert rusa båtførar har gått på grunn på Årossanden i Søgne. Ein person er pågripen av politiet på staden.