NRK Meny
Normal

Havang imponert over ØIF Arendal

NRK sin handballekspert, Øystein Havang, meiner treningskulturen i ØIF er ein av årsakene til at klubben enda på 4. plass i debutsesongen i eliteserien.

Øystein Havang

IMPONERT: NRK sin ekspertkommentator i handball, Øystein Havang, er imponert over ØIF Arendal som enda på 4. plass i debutsesongen i eliteserien.

Foto: Sigurdsøn, Bjørn / SCANPIX

– Det er veldig sterkt. Dei har ein bra treningskultur i klubben, og dei har ein dyktig trenar i Leif Gautestad, seier NRK sin handballekspert, Øystein Havang til NRK.

Laget tapte kun tre kampar etter jul. Havang meiner ØIF Arendal var lure i vinter.

– Dei henta inn Brede Olav Pedersen (keeper) og André Jørgensen (bakspelar) i vinter. Der fekk dei erfaring og gode forsterkningar, seier Havang.

4. plassen vil truleg gje europacup for arendalittane. Handballeksperten trur laget kan bite ifrå seg også der.

– Dei skal jo ikkje spele i Meisterligaen, så dei kan nok klare å vinne heimekampane. Men det viktigaste er å få erfaring frå Europa. Det vil laget tene på. Men har nok eit stykke å gå dersom dei får tysk eller spansk motstand, seier han.