Guten var 15 år då han fann passordet til ein journalist på internett.
Han klarte å logge seg inn i systemet til Dagbladet og skreiv dette i ein artikkel som var publisert:
- «Erna Solberg sier det er greitt»
- «Pedofili er greit så lenge man ikke får sæd på barnet.»
I tillegg var ein annan artikkel signert «Øystein Pedofil».
– Slikt skal ikkje skje, sa Dagbladets nyheitsredaktør Frode Hansen då dette vart oppdaga.
Fann passord på nett
Ifølgje Fædrelandsvennen, som først omtalte saka, forklarte guten i retten at han endra på artikkelen «for tull».
Dagbladet.no var nede i fleire timar etter innbrotet i oktober 2019.
Dinside.no, SOL, KK og seher.no vart også teke ned medan avisa forsøkte å finne ut kva som hadde skjedd.
I retten forklarte guten at han fann passordet på ein nettstad som delte lekka passord.
Ifølgje avisa stengde FBI denne sida i 2020.
Sende SMS i andre sitt namn
I retten vart han dømd for datainnbrot hos Dagbladet og ei fleire andre lovbrot.
Mellom anna brukte han eit dataprogram til å sende SMS i andre sitt namn.
Han sende mellom anna denne meldinga: «Fuck deg, fattige muslim. Gå og dø!».
Guten er dømd til 150 timars samfunnsstraff.